فتح حساب بنك الخرطوم اونلاين
مرحبا بك في خدمة فتح الحسابات الالكترونية من بنك الخرطوم
السلام عليكم
بنك الخرطوم عندو خدمتين فتح حساب اونلاين واحد منهم نص فتحة
بتقدم الطلب وبجيك الرد انو تمشي الفرع تكمل ودا الرابط :
ركز دا رابط نص فتحة
https://eaccount.bankofkhartoum.com/
التاني دا فتح حساب كامل بدون تزور الفرع وداير صبر وتحاول بس وعادي ممكن
تكون قاعد 4 ساعات او 5 ساعات قصادو بس وما تقفل المتصفح في لازم تكون فاطر
وما تقول علق وتقفل الصفحة ما بعلق ترجاو بس ودا تكلفتو بجغموها بعد تفتحو 10,200 ج
ودا بعد يفتحو برسلو ليك وقتيا في ايميلك رقم الحساب
وبعدو برسلو ايميل فيو كلمة السر PIN CODE ودا رابطو
ركز ابوس ايدك دا رابط فتح كامل
https://onlineaccount.bok-sd.com
الاسئلة المكررة :
1- انا برة السودان بقدر افتح ؟
اي بتقدر لو الرابط اشتغل معاك وفتح معاك
2- انا جوة السودان والرابط ما بفتح ؟
لانك مستخدم استار لنك ما ح يفتح تشوف غيرو
3- انا قدمتا في نص فتحة اقدم تاني ؟
قدم تاني لو رفضو ليك تصبر النص فتحة يردو ليك تمشي الفرع
4- انا قدمتا وقالو لي وشك ما زي الاثبات اعمل شنو ؟
ماف حل قدم في نص فتحة بس وتمشي الفرع
5- انا قدمتا في فتح كامل وقالو لي انت عندك حساب وانا ما عندي اعمل شنو ؟
تمشي الفرع في زول مسجل بي رقمك الوطني
6- انا ما عندي جواز عندي بطاقة ؟
بتقدم في نص فتحة بس ما بتقدم في الكامل نهائي لانو بي جواز بس
7- انا عندي رقم وطني بس ؟
ما بتفتح اي حساب
8- انا عمري اقل من 18 سنة ؟
ما بتفتح اي حساب
9- الجواز بعد ارفعو بقولو ما كويس ؟
صورو بي اسكنر او تطبيق Camsacnner
وما تتنيو ويكون كامل ما يكون مصبعك مغطي شي
10- انا فتحتو لي الحساب ومالقيت كلمة السر ؟
راجع ايميلك بتلقاها اسمها PIN
11- انا فتحتا وما سحبو مني قروش ؟
اصبر بجغموك بجغموك
12- انا فتحت وكتبت كلمة السر 3 مرات غلط
اتصل بي مباشر
13- رقم مباشر ممكن اتصل من عالمي يعني انا برة السودان ؟
اي ممكن تتصل من اي رقم برة من 9 ص الي 5 عصر بي توقيت السودان
14- رقم مباشر بتصل ما بردو ؟
حاول تاني مية مرة
15- رقم مباشر كم لو انا برة السودان ؟
دا رقمهم في الصورة برضو شوفا ف اول تعليق
+249187040600
16-انا اجنبي بقدر افتح ؟
الاجابة لااونلاين لا ولا نص فتحة ولا فتحة
ماف زول بفتح ليك حساب اتصل بي مباشر بس
ما يجغموك وتجي تبكي خليك واعي
17- لو فاتح حساب في بنك الخرطوم من سنة
اسكت وسنة حفرو البحر ومقفول اعمل شنو ؟
ما بتقدر تفتح اونلاين بتمشي الفرع تنشطو بس
تحياتي
المصدر : تايلندي اسمر (Thailandy Asmr)
